CCOO del Hábitat | 22 enero 2025.

Recoñecido a síndrome de túnel carpiano como enfermidade profesional a unha traballadora do sector de Axuda no Fogar

    CCOO do Hábitat de Galicia celebra a ratificación da sentenza que recoñece esta patoloxía como enfermidade profesional e non como enfermidade común, desestimando o recurso de INSS

    13/11/2024.
    Recoñecido a síndrome de túnel carpiano como enfermidade profesional a unha traballadora do sector de Axuda a Domicilio

    Recoñecido a síndrome de túnel carpiano como enfermidade profesional a unha traballadora do sector de Axuda a Domicilio

    CCOO do Hábitat de Galicia celebrou hoxe a ratificación dunha importante sentenza por parte do Tribunal Superior de Xustiza de Galicia, que recoñece que a síndrome do túnel carpiano padecido por unha traballadora, auxiliar de Axuda no Fogar, considérase enfermidade profesional.

    O tribunal desestimou o recurso interposto polo Instituto Nacional da Seguridade Social (INSS) e confirma a sentenza orixinal, na que se declaraba que a baixa da traballadora derivaba da súa actividade laboral e non dunha enfermidade común.

    A sentenza, emitida no Recurso de Suplicación 0000528/2024, establece que as tarefas repetitivas que realiza a traballadora, como o levantamento e coidado de persoas dependentes, o traslado de obxectos pesados e os labores de limpeza, implican esforzos físicos que poden causar a síndrome do túnel carpiano, mesmo se esta enfermidade non figura na listaxe de enfermidades profesionais do Real Decreto 1299/2006.

    O Tribunal Superior de Xustiza de Galicia subliñou que, a pesar da exclusión da síndrome do túnel carpiano do cadro de enfermidades profesionais para a categoría de auxiliar de Axuda no Fogar, a relación de causalidade entre a patoloxía e as tarefas laborais da traballadora é clara.

    O fallo tamén pon de manifesto a perspectiva de xénero, dado que a profesión de auxiliar de Axuda no Fogar está fortemente feminizada, o que implica unha discriminación indirecta ao non recoñecer a enfermidade como derivada do traballo nun sector con altos niveis de esforzo físico.

    O sindicato CCOO, que representou a María José Trabazos Cabiedes durante todo o proceso xudicial, destaca que este fallo non só é unha vitoria para a traballadora, senón para todos os auxiliares de Axuda no Fogar e profesionais de sectores similares que, a miúdo, enfróntanse a enfermidades derivadas de tarefas repetitivas e posturas forzadas sen o adecuado recoñecemento das continxencias laborais.

    O fallo tamén implica que o Instituto Nacional da Seguridade Social, a Tesourería Xeral da Seguridade Social, o Servizo Galego de Saúde (Sergas), a Mutua MC Mutual e a empresa Servisar Servizos Sociais SL deben asumir a responsabilidade desta declaración e proporcionar á traballadora as prestacións correspondentes.

    CCOO do Hábitat de Galicia reafirma o seu compromiso coa defensa dos dereitos laborais e o recoñecemento das enfermidades profesionais, especialmente en sectores con condicións de traballo precarias ou pouco protexidas pola lexislación.

    Esta sentenza representa un paso crucial cara á mellora da protección da saúde laboral en sectores como a Axuda no Fogar, e demostra a importancia de continuar loitando por condicións laborais xustas e seguras para todas as persoas traballadoras.