CCOO del Hábitat | 27 abril 2024.

Pasan a indefinidos corenta contratos de Limpeza fixos descontinuos

    CCOO do Hábitat de Galicia único sindicato en denunciar á empresa ACCIONA para facer valer a reforma laboral

    19/07/2023.
    Pasan a indefinidos corenta contratos de Limpeza fixos descontinuos

    Pasan a indefinidos corenta contratos de Limpeza fixos descontinuos

    Mentres sindicatos como UXT, USO, CIG E STL avalaron nunha reunión do comité de empresa a utilización dos contratos fixos descontinuos, CCOO do Hábitat de Galicia situouse radicalmente en contra e agora a inspección de traballo dános a razón.

    Alberto Zas Pombo e José Ramón López Bazán son os dous delegados que loitaron máis dun ano, (a demanda foi interposta no verán do 2022), para defender os dereitos das súas compañeiras.

    Os dous sindicalistas cren que a empresa fixo unha clara discriminación por razón de xénero, xa que 37 dos 40 contratos foron realizados a mulleres.

    “A limpeza hospitalaria en xeral e Acciona en particular discrimina ás mulleres a través da parcialidade, tivémolo claro desde o primeiro momento, non iamos permitir un abuso tan claro, e moito menos ser cómplices poñéndonos á beira da empresa ou poñéndonos de perfil como o resto de centrais sindicais”.

    A empresa Acciona trasladou ao comité de empresa o 27 de abril do 2022 a súa intención de contratar ao persoal que viña prestando servizos desde facía anos baixo a modalidade de fixos descontinuos. Aínda que a CIG, UXT, USO e STL non se opuxeron a esta modalidade de contratación, CCOO do Hábitat de Galicia comunicoulles que non se ía a permitir a precariedade por máis tempo na limpeza hospitalaria.

    Máis dun ano esperando o resultado pero, “estamos moi satisfeitos porque somos a central sindical minoritaria, pero iso non nos quita as ganas de defender con contundencia ao persoal”.

    Nunca se entendeu por parte de CCOO do Hábitat de Galicia como ou Sergas (Servizo Galego de Saúde) permitía a fraude de lei mirando cara a outro lado. Alejandra Xesto, secretaria xeral de CCOO do Hábitat de Galicia, anuncia demandas en todos os hospitais de Galicia.

    “A reforma laboral fíxose para cumprila, o Sergas non pode permitir incumprimentos laborais de semellante calado e non pronunciarse, imos enviar a resolución por rexistro á mesa de contratación do Sergas, solicitando a consecuente sanción para Acciona. Xa está ben de abusos na contratación pública”.

    Resulta moi rechamante que en ningún programa electoral estea agendada a reforma da lei de Contratación Pública, algo fundamental. A estas alturas xa sabemos que ten múltiples defectos e todos eles en contra da clase traballadora.

      •