Asinado o novo Convenio de Xardinería de Santiago de Compostela coa Empresa Prezero
Durante a mañá deste luns, CCOO do Hábitat de Galicia xunto STL e UXT asinou a acta de acordo para o novo Convenio Colectivo de Contrátaa de Xardinería de Santiago de Compostela coa Empresa Prezero para os anos 2021-2024.
Este acordo, froito de máis de 11 meses de negociación, alcanzouse despois de celebrar unha asemblea de traballadores e traballadoras onde se ratificou a firma do mesmo por case un 60% dos votos.
Respecto ao apartado económico, os incrementos salariais pactados foron:
- 2,5% para o ano 2021, os atrasos correspondentes a este período abonaranse no mes seguinte á firma do Convenio
- 3,5% para o ano 2022, os atrasos correspondentes a este período abonaranse dous meses despois da firma do Convenio.
- 2,5% para o ano 2023.
- 2% para o ano 2024
Garántese unha cláusula de revisión salarial igual ao IPC medio acumulado por cada un dos anos de vixencia do Convenio, no caso de que esta Cifra sexa superior o incremento pactado.
Establécense 30 días laborais anuais de vacacións a elixir polo persoal, coa condición de respectar o equilibrio en cada grupo de traballo para que non coincida un número excesivo de traballadores e traballadoras o mesmo tempo.
Unificación de horarios para todo ano de 08:00 horas a 15:00 horas, o que supón finalizar coa distribución irregular da xornada que provocaba traballar máis tempo no verán que no resto do ano.
Posibilidade de acceder á Xubilación Parcial durante a vixencia do Convenio no seu grao máximo (25%-75%), o que conleva implicitamente unha garantía de estabilidade do persoal ao ter que contratar a un traballador relevista de maneira indefinida e xornada completa.
Promoción de dúas prazas de Oficial Xardineiro para o ano 2022, dentro dos Grupos de Traballo dedicados a “Mobiliario, Rega, Pavimentos, Reformas e Obra Civil”.
Establecerase un Plus de Asistencia de 1,2€ por día efectivo de traballo para o ano 2021, que será incrementado de acordo ás subidas pactadas.
Incrementarase a cobranza do Plus de Toxicidade de 11 a 12 meses por un importe mensual de 12,78€ que será incrementado de acordo ás subidas pactadas.